你確實是一個開心果， 一個HAPPY BABY， 隨時隨刻都輕易找到你的笑臉！

睡覺時你會甜笑， 甚至笑出聲。

有時你只要望著我和爸爸對話， 也可以自己一直笑， 如果我們刻意逗你笑， 你便興奮得大叫大笑！

你爸和你媽最愛你笑了， 你開心， 我倆更開心。

你爸今天問你媽： 她是否輕度弱智呀？為何整天傻笑？

我說：如果你可以時常都笑，輕度弱智都沒問題呀！

他又問： 如果她真的輕度弱智， 你還會愛她嗎？

你媽聽也不用想， 快答：當然愛啦！我最愛就是ALBA！她是怎麼樣我也愛她的啦～

（當然， 你媽最想你健健康康， 快快樂樂地成長， 痛苦疾病離你有多遠就有多遠。）

 

今天帶你到parramatta community health centre 做六個月檢查，快六個月的你：

身高： 65.5cm

體重： 7.5cm

頭圍： 41.5cm

你的身高和體重回到50， 50﹣75， 頭就小一點， 只有25， 哈哈！你媽一直以為你是個大頭妹， 原來剛好相反！：P 至於其他發展方面， 你不是那麼愛動（只愛動你的咀）， 姑娘說BIG BABY是發展較遲， 其實媽一點也不擔心， 你爸BABY的時候也是動也不動的， 現在卻像馬騮一般愛動。最大問題是．．．．．你的皮膚乾極了， 肚皮上和背上都是重災區， 媽要勤一點幫你搽膏啦～

 

P.S．媽一邊打這篇日記， 你在床罅發現我， 我向你笑一笑， 你回我一笑，我又向你笑一笑， 你又回我一笑，如是者四五次， 媽繼續打字， 沒多久再看你， 你又安靜的入睡了。 你媽愛死你了！

今天天陰，風又大。我和爸爸從教會裡出來的時候，怕你被風吹親，用被子把你蓋住。你睡著的樣子太可愛了！

今日和你到Birkenhead point outlet 逛街。 Alba著新衫超可愛喔！

Mothers group取消了，媽媽見有時間，不如申請這個West Ryde library 的membership, 誰知職員問我是替自己還是你申請，我問BB也可以嗎？就這樣，你有了人生中第一張圖書証。

這個早上超冷呀！媽把你穿成這個樣子。

年初四 我地都有假放啦！ 因為今日係Australia Day :) 趁阿囡同老公都訓緊， 我將一直都好想整既My Family Stickers， 貼係我部車既車尾．．． 嘻嘻， 媽媽好開心呀！ 以前好羨慕人地部車有My Family Stickers, 覺得好得意好開心咁。 終於自己都有一家三口啦～ 希望繼續加上去， 變到一家五口:D 左起： Alba, Mama Ngai and Papa Ngai (爸爸都唔似爸爸既， 同真人一樣．．．．．）

 

終於可以將這些物資收起 這見證著．．．

 

我終於成功全埋身餵啦！！！！ 因為自從予昕婆婆返左香港，

 

媽媽這兩個多星期成功埋身餵，

只係間中需要用奶泵泵出多餘既奶，

而且仲愈來愈少用。

 

媽媽覺得BABY既小手幾時都咁得意，

一定要拍下來！

我今朝係俾Alba既笑聲同講野聲嘈醒架！

尋日出完街佢可能好赲，

食完0930餐奶就自己覺豬，成晩冇醒過。

今朝0600就係度自己玩同叫，居然冇餓到喊，

咁我照樣換左片先食奶，成晩冇換當然係重片，

居然仲要係屎片，仲一路換片片一路大笑。

佢真係一個開心Baby！！

 

Alba呢兩個星期開始中意食手指

今日發現佢食之前會望下自己隻手仔．．．．

然後先放落口

好多時都放唔啱位

放幾次先放到入口．．．

因為隻手仔太近啦～

佢會望到．．．．．豆雞！！哈哈！！！

小插曲：

傻媽媽見予昕有頭皮屑，

想是因為她的頭皮太乾的原固，

就用平日沖涼的Bath Oil幫她洗頭，

洗完予昕的頭髮油立立，

好像Gel 左頭咁，

俾爸爸笑媽媽傻：（

予昕既第一個年初一，

我帶她探Tracy姨姨同Athan弟弟。

出發前， 先和要上班的爸爸影張全家幅啦～

話晒都係一家人既第一個新年：）

好開心呀！！終於見到Tracy姨姨同Athan弟弟

第一張合照， 可惜懞了喔:(

Athan兩個多星期大啦～

看上去Alba已經是個大姐姐的模樣，

肥妹Alba好大件頭，

媽媽好懷念她細細粒時的樣子呢～

兩個BB一起覺覺豬．．．．．．zzz．．．zzz．．．

只有一支50mm帶在身邊的媽媽，

拍兩個躺著的睡寶寶，

很難有全身照，

就只能拍半身或大頭：P

Athan醒了， Alba還在睡，

在人家的地方都能睡得這麼香甜呀？？

終於都一起醒了，

Alba卻只顧吃手指，

可憐的弟弟哭了T_T

好想Tracy快點坐完月，

我們兩家人可以一齊去街街。

予昕尋晚4：30先訓， 佢真係愈夜愈精神， 而且唔抱就喊

婆婆幫予昕洗白白後 ．．．．

為答謝婆婆， 予昕食食下奶爆屎落婆婆度 ﹣＿＿﹣“

凌晨四點，Mama Ngai 終於都恢復元氣, 輪到papa Ngai 去睡了。昨天真的累到連說話的氣力也沒有，心理的壓力和體力的消耗使我支持不住。Alba，你體溫的輕微上升，使初為人父母的papa同mama緊張得立即把你帶到醫院去。因為你只有六天大，Westmead children hospital醫護人員都不敢怠慢，細心為你檢查。mama看見你被人拮針抽血，聽到你的哇哇哭聲，心痛得也忍不住哭起來，給人帶到一旁，papa 留下來陪你。mama這刻恨自己把你帶到醫院去:(，反而你很堅強（還是善忘？），每次拮針除了哭幾聲，很快就平復過來，還付上一個笑容，令媽媽的心定了下來。
Papa為了你不能去踢波，起初有點抱怨，心底𥚃還是超疼你。回到家裡，mama已經累得像一隻喪屍，婆婆立即接力，幫忙照顧你。而papa為了令mama好好休息和睡一個長覺，，在和你嫲嫲吃完生日飯後，回來接婆婆的捧。papa真的很疼你，見你哭個不停，想給你坐swing，家裡又沒有合適的電池，他以九秒九速度拿鎖匙衝出門口，到附近的便利店,以平日不會付的價錢，買了電池回來。